Ən gözəl”sən”!
Bölüm: 33. Finaldan öncə...
Böyük evin yemək otağında yığışmışdılar oğlanlar. Hər kəs səssiz,
hər kəs düşüncəli, hər kəs kədərli idi. çünki bir ilə yaxın yaşadıqları evdə
deyildilər. Oturduqları bahalı divan belə onları narahat edirdi. Amma içlərindən
biri vardı ki, hamsından daha narahat idi. bunu görə bilirdilər. Oğlanlar əlləri
ilə başını tutub, düşüncəli halda dayanan Sənan ürək ağrısı ilə baxıb, fikrini
dağıtmağa çalışdılar:
-
Oyda sənin ailən varlı imiş Samir?
Samir Elçinin niyə belə dediyini anlayıb, biraz bərkdən:
-
Hə, həmdə çox. Amma mən əziyyət çəkməyə öyrəşim
deyə bu evdə qalmağa qoymurlar.
Elnur ciddi şəkildə:
-
Sən işləmirdin, kirayəni, yemək pulunu hardan
tapırdın bəs?
-
Anam verirdi.
-
Bəs bunun harası əziyyət çəkməkdi?
-
Sən gedib mənim anamdan 20 qəpik almağa çalış
bir. Qadının “ver” sözünü eşidəndə alergiyası qalxır.
Elçin öz aralarında söhbət edən Elnurla Samiri dümsükləyib,
hələ də heç bir reaksiya verməyən Sənanı göstərdi. Sənan hər kəsin ona
baxdığını görüb, başını qaldırdı. Dediklərinə öz də əmin deyilmiş kimi:
-
Mən rayona qayıdacam... onsuzda dərslər tətilə
girirdi. Həm oxumasam belə olar. Işləyərəm, elə deyil?
Sənan oğlanlara həqiqətən də dediklərini təsdiq etmələrini
istəyirmiş kimi baxırdı. əslində dediklərini eləmək istəmədiyi bəlli idi, amma
eləməliydi.
Elçin:
-
Niyə ki? Ev cəmi 5-6 aya təmir olacaq. Onda
hamımız qayıdarıq. Həm Süsən bacı...- deyib, Sənanın baxışını görüncə susdu.
Onun bu qərarı çətinliklə aldığı bəlli idi. Elnur ciddi şəkildə:
-
Başqa yol olmadığına əminsən?
Sənan başını yellədi. Samir cəld:
-
Burda qala bilərsən.
-
Amma 5-6 ay yox hə?. Bəsdirin uşaqlar. Sizin
burda qalmağa imkanınız var, amma mənim yox. Bu şəhərdə həm o qədər rahat, həm
də ucuz başqa ev tapa bilmərəm. Həm istəmirəm... Bəzi şeyləri bitirmək üçün əla
oldu.
Oğlanlar gülümsəməyə çalışan Sənan ürək ağrısı ilə
baxırdılar. Onun nəyi nəzərdə tutduğunu anlamışdılar. Indi anlamağa
başlayırdılar, o ev onların yuvası idi. dostluqlarının, əyləncələrinin və hələ
təzə cücərməyə başlayan eşqlərinin...indi onunla bərabər sanki əllərində olan hər
şey kül olmuşdu, parçalanırdılar...
-
Sabah gedirəm... bu arada, sizin evdə
fotosintezlə bəslənirlər?!
Səhər:
Leyla xanım kiçik evinin qonaq otağı o qədər də kiçik
sayılmazdı. ən azından Süsən elə düşünürdü. Bu evə girdiyi ilk andan neçə nəfərin
qala biləcəyini hesablamağa başlamışdı. Amma nə qədər hesablasa belə 7 nəfərin
qala biləcəyi qədər geniş deyildi bu ev. Amma nədənsə indi ona olduqca boş və
geniş görünürdü. Indi də qonaq otağındakı divanda əyləşib, fikirləşirdi. Nəyinsə
əksik olduğu fikri onu elə narahat edirdi ki... Leyla xanım Süsəni qonaq
otağında tapıb, dəhşətə düşmüş şəkildə:
-
Hıı, sən hələ hazır deyilsən? birazdan nişan
başlayacaq.
Süsən başını qaldırıb bir anasına, birdə əynindəki
paltarlara baxdı:
-
Hazıram. Belə olmazki?
Leyla xanım qızının köynək, svitter və cinsdən ibarət olan
geyimini süzüb, əli ilə başını tutdu:
-
Bu nədi Süsən? Belə getmək fikrin var? Nişan
böyük sarayda olacaq, hamı don geyinəcək. Sən isə... o axmaqlar güya sənə öyrədəcəklərdi.
Elə yaxşı ki qurtuldum onlardan, ev düzələndə də qəbul etməyəcəm.
Süsən bunu eşidib, cəld ayağa qalxaraq:
-
Zarafat edirdim, indi hazırlaşıram.- deyib,
qaçaraq öz otağına getdi.
Bir saat sonra hazır idi. uzun mavi donu, uyğun
ayaqqabıları, dalğalanmış saçları və zərif makiajı ilə. Hələ üzündəki biraz kədərli
ifadə onu o qədər məsum, o qədər incə göstərirdi ki, heyran olmamaq mümkün
deyildi. Leyla xanım və onlara güya hazırlaşmaq üçün gələn Aysu ağzı açıq ona
baxırdılar.Leyla xanım qızının yanına gəlib, saçlarını oxşayaraq:
-
Bax mənim qızım belə gözəldi. Keşkə həmişə belə
olsan.
Süsən başını qaldırıb, ona ancaq belə olduğu vaxtlar yaxşı
davranan anasına baxdı. “sən olduğun kimi də pis deyilsən..” yadın düşən bu cümlə
ilə gülümsədi. Az qala pıçıltıya bənzər səslə:
-
Mütləq belə olmağım vacibdi ki?
-
Əlbətdə qızım. əgər belə olsan, səni sevən biriləri
tapmaq asan olar. Bax mən həmişə baxımlı, gözəl olmuşam. Ona görə atan mənə dəli
kimi aşiq idi. mən sənin xoşbəxtliyini istəyirəm. Istəyirəm səni sevən, qoruyan
biri olsun yanında həmişə...
Leyla xanım danışdıqca, Süsənin xatirələri canlanırdı. “Sənan
artıq özünü saxlamayıb, qışqıraraq:
- Sən xəstəsən?! Hanı
dəyişəcəydin?! əynindəkilər yenə şalvar-köynək, tək fərqi o gic-gicə yazıların
olmaması!
Süsən öz geyimini
süzüb, çiynini çəkərək:
- Sənin kimi iyrənc
böcək başa düşməz, bu paltarla ordakı hər kəsi özümə heyran edəcəm.”,” - Sən xəstəsən?! Niyə vurusan?! - Əsl sən xəstəsən! sürüdən ayrı düşmüş qoyun
kimi nə yolun ortasında dayanmısan? - Sən
kimə qoyun deyirsən çöl donuzu?! - Sənə
ifritə!”,” - Birisi gün də, ondan sonrakı gün də olmayacam. Hətda sizin gəldiyiniz
hər dəfəsində evdə olmayacam. Bu ara da, mənim tipim incə-mincə, həddən artıq
süni, özünü gözə soxmağa çalışan tiplər deyil, rahat, özü kimi ola bilən tiplərdi.
- deyib, düşünürmüş kimi davranaraq: - Hmm. Yəni tipimə qalsa, sizdən çox Süsən
mənə uyğun gəlir.”,” - Sən güya nəsənki? Onu tanımadan, niyə belə olduğunu bilmədən
sırf puluna görə yaxınlaşmadın ona? Tək istədiyin pulu deyildi? Buna görə yalan
demədin ona? Indi özünü yazıq kimi aparma. – deyib, biraz daha yaxınlaşdı
ona. - Həm başına o oyunu mən açdım! Hər
şeyi təkcə özüm planladım və elədim. Yoxsa bu axmağa qalsa nişanlanmışdı, hətda
evlənmişdi belə. Odu ki, nə problemin varsa mənimlə həll elə və pəncələrini çək
ondan!- deyə qışqırıb Süsənin qolundan tutub sərt şəkildə çəkdi. Ayazın
qollarından çıxan Süsəni özünü biraz gerisində saxlayıb Ayazın qarşısında dik
dayandı.”, “Sənan isə Süsənin yumruğunu dayandıran əlini açıb, gülümsədi. əlindən
qəribə bir klonu olan boyunbağı sallanırdı. Süsən isə getdikcə sevinc qarışıq təəccüblə
parıldayan gözlərini boyunbağına kilidləmişdi. Sənan onun donub qalmasından
istifadə edib əlini tutdu. Ovcunu açıb, boyunbağını içinə qoyaraq “bağışla” deyə
pıçıldadı.”,” Mən sadəcə indiki...yəni əvvəlki halınında pis olmadığını düşünürəm.
Yəni olduğun kimi də yaxşı idin. Indi isə sadəcə hamsından biri olacaqsan...”,”
Salam. Mən Süsənin nişanlısı Sənan. Tanışlığımıza şadam.”, “Yəni səni dəyişdirmək
üçün bu qədər əlləşməyimiz pula görə idi? Elçinin, Samirin, Elnurun sənin
anlamaq üçün hər şeyi elədiyin halda bezmədən sənə dərs verməsi pula görə idi?!
mənim... Mənim elədiyim hər şey pula görə idi?... Gey kimi davranmam, sənin zərblələrinə
qarşılıq verməməm, yanında dayanmam pula görə idi səncə?!”,” kaş başa düşə bilsən”...
Süsən sanki artıq başa düşməyə başlayırdı... Anasının durmadan eşq və incəlik
haqqında dediyi sözlərə fikir vermədən düşünürdü. əsla qız kimi davranmamışdı,
həmişə kobud və sərt olmuşdu... amma yenə də onu qoruyan biriləri vardı... bu
an telefon zəngi çalındı. Süsən öz zəngini tanıyıb, ətrafa baxmağa başladı.
Leyla xanım biraz vecsiz şəkildə:
- Bayaqdan çalır, Aysu qızım cavab versə də danışmırmış yəqin
avaranın biridi.
Süsən qaşlarını çatıb,telefonunu versin deyə əlini Aysuya
uzatqı. Aysu könülsüz onun avcuna qoyub:
-
Tez elə, gecikəcəm nişana.
Süsən heç nə demədən telefonu açdı:
-
Alo.
-
“alo, Süsən bacı gəlməyəsən?
-
Nəyə?
-
“bəs bayaq Aysu sənə demədi? Sənanı yola
salırıq. Indi avtovağzaldayıq artıq... da gecdi, eybi yox. Sağ ol”
Süsən telefonu söndürüb, gözünü Aysuya dikdi.
-
Nə? O avaralardansa, mənim nişanım vacibdi. Tələs,
heç qız həvəsi yoxdu da səndə. Elə yaxşıkı o axmaqdan canımız qurtardı. Iyrəncin biri idi...
Sənan kiçik çantasını belinə atıb, addımlayırdı. Birdən
dayanıb, arxaya dönmədən əsəbi şəkildə:
-
Siz hara kimi dalımca gələsiz?!
-
Sən avtobusa minənə kimi. Həm Süsən bacı da bəlkə
gəldi.
Sənan arxaya çevrilib, oğlanlara şübhəli şəkildə baxaraq:
-
Məni yola salmaq üçün yox, sırf bəlkə o ifritə gələrdə
bir şeylər görərsiz deyə gelirsiz hə?- deyib, Oğlanların başlarını yelləməsiylə
qışqırdı:
-
Mənim həyatım teleserialdı sizinçün?! Rədd olun
evinizə! Axmaqlar. Elə şey yoxdu deyirəm sizı!
-
Deməli səndən canım qurtulur.
Sənanla bərabər oğlanlar eyni anda səs gələn tərəfə
baxdılar. Ayaz yolu kəsib dayanmışdı. Sənan tərəf irəliləyib, kinayə ilə:
-
Mən də sənə bir “xoş getdin” hədiyyəsi vermək
istəyirəm.
Sənan onun nəyi nəzərdə tutduğunu anlayıb sevinclə gülümsədi.
Ayazı həll etmək onun üçün su içmək qədər asan idi. əlindəki çantasını kənəra
atıb, Ayaza tərəf yaxınlaşmaq istəyirdi ki, dayandı. Döngədən başqa oğlanlar
çıxıb ayazın ətrafında toplaşırdı. Üzlərindən qəddarlıq, avaralıq yaxan bu tiplər
Sənan öldürəcəkmiş kiimi baxırdı. Sənan hamsını bir-bir süzüb, barmaqlarını
şıqqıldadaraq arxaya baxmadan dedi:
-
Uşaqlar istəsəz qaça bilərsiz.
Sənanın bunu deməsiylə cəld geriyə dönən Samir, yolun digər
tərəfinin də kəsildiyini görüb:
-
Yox, səni qoyub hara qaçırıq.
-
Arxada da varlar hə?
Cavab gəlmədiyindən haqlı olduğunu anlayan Sənan gülümsəyib,
yumruqlarını düyünləyib:
-
Onda getdik!- deyə qışqırıb, Ayaza tərəf qaçdı.
Qarşısına çıxan ilk oğlana güclü bir yumruq iliçdirib, yerə sərdikdən sonra
özündən əmin bir şəkildə Ayaza tərəf addımladı. Lakin adamlar bitmək bilmirdi.
Ən güclüləri olan Sənan bələ əziyyət çəkərkən, digərlərinin halı daha betər idi...
Hər ikisi də döyüşürdü. Biri onu dəyişməyə məcbur edən həyatla,
digəri üstünə gələnlərlə... amma ikisi də qalib gələcək qədər güclü deyildi...tək
başına..
Cəmilə Məmmədli
Hiç yorum yok :
Yorum Gönder