Ən gözəl”sən”!
Bölüm: 32
Qızlar ilk dəfə Süsənin otağına girdiklərindən ağzı açıq ətrafa
baxırdılar. Düşündüklərindən tamamı ilə fərqli idi. hər qızın arzu etdiyi bir
otaq idi, amma 15 yaşında. Bir nağıllar aləmindən çıxmış kimi otağa, bir də
qarşılarındakı yenə o köhnə, oğlan kimi paltarlarını geyinən Süsənə baxırdılar.
Yenə eynindən tökülən geniş T-shirt, köhnəlmiş cins və üstdən oğlan köynəyinə bənzər
bir şey geyinmişdi. Hər kəsin təəccüblə susduğunu görən Fidan Süsənin pis etməməsi
üçün gülümsəyib:
-
Əslində əynindəkilər şirindi hə?
Sevinc:
-
Hə. hətda seksi belə sayıla bilər, təkcə köynək
qalsaydı yəni.
Hər kəsin ona qınayan baxışlarla baxdığını görən Sevinc,
çiynini çəkib davam etdi:
-
Sənin heç sevgilin olub?
-
Nəyim?
-
Sevgilin. Amma canlı-qanlı, həm də oğlan olan.
Məhəbbət Sevincin sözünə gülümsəyib, “başqa necə ola bilərki”
deyə pıçıldayanda Fidan ona divardakı oğlan anime qəhramanlarının rəsmlərini
göstərdi. Süsən isə ciddi-ciddi düşünüb, yadına bir şey düşmüş kimi əlini
qaldırıb dedi:
-
Hə. 8-ci sinifdə biri məni sevdiyini demişdi.
Qızlar inanmırmış kimi Süsənə baxıb, cəld:
-
Doğurdan? Necə oldu bəs? Yazığı öldürmədin hə?
Süsən ciddi şəkildə başını yelləyib, saf-saf dedi:
-
Mən yanına yaxınlaşanda, “səni o qədər sevirəm
ki, əziyyət vermək istəmirəm” deyib özünü döyməyə başladı.
Sevinc kövrəlmiş şəkildə Süsənin başını sığallayıb, titrəyən
bir səslə:
-
Yazıq bacım. Sənin günahın yoxdu, qarşına
çıxanlar başdan xarab imiş.
Fidan da ona qoşulub gah Süsəni, gah da Sevinci təsəlli etməyə
çalışarkən Məhəbbət eynəyini düzəldib:
-
Bəs Sənan haqqında nə düşünürsən?
Süsənin üz ifadəsi anidən dəyişdi. Bayaqdan ilk dəfə rəfiqələri
ilə otağında olmağın verdiyi sevincə parıldayarkən, indi gözlərindən alov
çıxırdı. Yumruqlarını düyünləyib, əsəbi şəkildə:
-
Ondan zəhləm gedir! Öldürmək istəyirəm onu!
-
Niyə?
Süsən ilk öncə sualdan çaşsa da, getdikcə artan əminliklə danışmağa başladı:
-
Çünki ancaq qışqırır! Qulaqlarım onun
qışqırığına o qədər öyrəşib ki, eşitməyəndə narahat oluram. Həmişə əsəbi gəzir,
bir də əsəbi olmayanda elə iyrənc şəkildə gülümsəyirki nəfəs ala bilmirəm.
Qoyasan ancaq balaca uşaq kimi yemək və ya başqa şey üçün mızıldansın, nə isə
olanda heç kimdən kömək istəmir. Amma sənə nə isə olanda heç soruşmadan yanında
bitir. Bunların hamsı zəhlə tökəndi! Nəinki
yaxınında, hətda eyni otaqda olsaq belə ürəyim tez-tez döyünməyə başlayır, əllərim
tərləyir. Nə edəcəyimi bilmirəm, sırf uzaqlaşsın deyə onu o an öldürmək belə
istəyirəm. Amma çox uzaq olanda da, ürəyim sıxılır, nə isə əksik olur sanki.
Onun üçün qəribə sözlər demək, ya da qolumdan tutmaq çox asandı. Mən o bunları
elədiyi vaxt az qala öləm, amma onun üçün adi şeylərdi. Bundan zəhləm gedir!
Sırf bitsin deyə onu öldürə bilərəm!
Süsən sözlərini bitirib başını qaldırdı. Qızların ona gözləri
dolmuş şəkildə baxdığını görüb, təəccüblə “noldu?” deyə pıçıldadı. Qızlar Süsənin
üstünə atılıb, bir yandan ağlayıb, digər yandan Süsəni təsəlli etməyə
çalışırdılar:
-
Can. Bu həyatımda eşitdiyim ən romantik sözlərdi.
-
Sənin ürəyin bunlara necə dözür?
-
Hamsı o axmağa görə, onu öldürək!
-
Hə. o axmaq bu qədər yavaş olmasaydı, Süsən də
belə əziyyət çəkməzdi. Can bidənəm...
Qonaq otağıında oğlanlarla oturan Sənan gözlərini tavana
zilləyib, pıçıltıyla dedi:
-
100% məndən danışırlar. Mənə qarşı sui-qəsd
planı qurduqlarını hiss edirəm.
Bunu eşidən Elçin gülümsəyib, Sənana bic-bic baxaraq dedi:
-
Əlbətdə səndən danışırlar, qızlar bir yerə
yığışanda ancaq oğlanlardan danışırlar.
-
Onda sizin sevgililəriniz, sizdən danışsınlar
da.
Samir ona şübhə ilə baxıb:
-
əminsən ki, sənin dəorda sevgilin yoxdu?
Sənan oğlanların gözlərini qıyıb, onua bic-bic gülərək
baxdıqlarını görüb biraz tutuldu. Az qala divanın içinə girəcək qədər büzüşüb,
qollarını sinəsində çarpazladı. Hələ də ona baxdıqlarını görüb, kinayəli şəkildə:
-
özünüzdən uydurmayın. Birinci sinif uşaqlarısız?
Birdə ürək çəkib, içinə adlarımızı yazın tam olsun.
Elnur kitabının arasından vərəq çıxardıb, qatını açdı. Sənanın
gözü qarşısında tutub, qalib gəlmiş kimi gülümsəyərək:
-
indi tam oldu?
Sənan bir kağızdakı iki birləşmiş ürək şəkli içindəki “Sənan
Süsən yazısına, bir də həmişə belə şeylərdən uzaq olan ciddi Elnura baxıb, eşidilməyəcək
tərzdə pıçıldadı:
-
Əgər bu da onlara qoşuldusa bitdim mən.
Ayağa qalxıb, Elnurun əlindəki kağızı əsəbi şəkildə alıb:
-
Belə axmaq hərəkətlər eləməyin. Qızın adına söz
çıxarasız- deyib, ürəyində “sonra o da hamımızı şişə çəkəcək” deyə düşündü.
Yuxarı mərtəbədən aşağı düçən qızların içəri girdiyini görüb
cəld kağızı arxasında gizlətdi. Amma gec idi, qızların kəskin gözlərindən bu
qaçmamışdı. Hələ arxadakı oğlanların hiyləgərcəsinə gülümsədiyini görüncə Sənan
diqqətlə baxıb, eyni anda:
-
Nədi o?
-
Ver görüm.
-
Göstər, göstər.
Sənan onlardan qaça bilməyəcəyini anlayıb kağızı arxada əzişdirdi.
Top halına gətirib, qızlara göstərərək atıb-tutdu. Bir anda otağın digər tərəfinə
atdı. Düşündüyü kimi Süsəndən başqa digər qızlar kağızın arxasınca qaçarkən, o
Süsənin də biləyindən tutub sürükləyərək otaqdan çıxdı. Göz ucu qızların kağızı
açıb, gülməklərinə baxıb üz-gözünü qırışdırdı.
-
Elə bil ibtidai məktəbə geri dönmüşəm. Bir o
qaldı ki, əl-ələ tutuşub ətrafımızda fırlanaraq “Sənan onu sevir, Sənan onu
sevir” deyə mələsinlər.
-
Sənan kimi sevir ki?
Sənan cəld dönüb yanında olduğunu unutduğu Süsənə baxdı.
onun yenə əsəbi oluğunu anlayıb, iç çəkdi. Gözlərini qaçırıb, bezgin şəkildə:
-
Sən anlamazsan...- demişdi ki, qarnına dəyən
yumruqla donub qaldı. Süsənə dönüb, əsəbi şəkildə:
-
Bu nə üçün idi?!
Süsən bivec şəkildə çiynini çəkib:
-
Heç ürəyimdən gəldi.- deyib, yenə otağına çıxdı.
Sənan isə artıq öyrəşdiyindən əli ilə qarnını tutub, biraz kədərli
şəkildə:
-
Mənlə bu anormal. əsrlər keçsə bu qız kimi
davrana bilməz, heç bir qız kimi hiss edə belə bilməz...
Axşam üstü qızlar getmişdi. hər kəs qonaq otağında oturub
televizora baxırdı.(müəllif: Cəmilə Məmmədli) Oğlanların ona və Süsənə baxıb
qımışmasından bezən Sənan qapının zəngi çalınan kimi cəld ayağa qalxdı. Süsənində
qalxdığını görüb, ona düşmən kimi baxaraq:
-
Olmaz. Hamsı sənə görədi onsuzda.
Süsən onun nə dediyini anlamağa çalışarkən, o çoxdan qaçıb
qapını açmışdı belə. Qarşısında Aysu və nişanlısı görüb, bezgin şəkildə:
-
Siz idiz?
Aysu gülümsəməyə çalışıb:
-
Bizi gördüyünə sevinmədin?
Sənan:
-
Nətər sevindim. Sevincimdən intihar edəcəm
indi.- deyib, kinayə ilə gülümsədi.
Aysu ona fikir vermədən otağa keçib, əlindəki biletləri
yuxarı qaldıraraq:
-
Uşaqlar sabah nişanımızdı. Bunun şərəfinə
nişanlımla hamınızı kinoya aparıram. Hazırlaşın.
Arxadan gələn Sənan “simic” deyə pıçıldayıb, divana əyləşib
dedi:
-
Mən getmirəm. Siz gedin.
-
Amma ən gözəl romantik filmdi.
“romantik film” yerini eşidən Süsən üz-gözünü qırışdırıb, qəti
şəkildə:
-
Mən də getmirəm onda.
-
Hmm. Demək biz gedirik, Süsən bacıyla Sənan tək
qalır evdə hə?
Sənan Elçinin nəyə işarə vurduğunu anlayıb oğlanlara baxdı.
hamsının üzündən eyni şeyi düşündüklər bəlli olurdu. Əsəbi şəkildə ayağa
qalxıb, Süsənin yanına gəldi. Biləyindən tutub, özü ilə qapıya tərəf sürükləyərək:
-
Bizdə gedirik!
Gecə piyada qayıdırdılar yaxınlıqdakı kinoteatrdan. Aysu
onları ən ucuz, amma romantik olan filmə aparmışdı. Oğlanlar film boyunca Süsənlə
Sənana göz diksə də, Süsən yatmış, Sənan isə başqası aldığından ona daha ləzzətli
gələn qarşıdalı partlağı yemişdi ancaq.
Elə indi də birlərindən aralı gələn bu ikisi sevgilidənsə düşmənə
oxşayırdı. Evə yaxınlaşdıqca sirena səsi eşidilirdi. Sonunda bu səsin evləri tərəfdən
gəldiyini anlayıb qaçmağa başladılar. Həyətə girdikdə hər kəs donub qaldı.
Yanğın söndürən maşınlar artıq qayıtmaq üzrə idilər. Yüngülcə yanan iki mərtəbəli
evin bir tərəfindən duman çıxırdı. Hər yer su gölməçələri olmuşdu. Sənan bir
addım qabağa gəlib, dəhşətə düşmüş şəkildə evə baxaraq pıçıldadı:
-
Bu necə ola bilər?
Elçin şoka düşmüş Süsəni sakitləşdirməyə şalışıb:
-
Narahat olma Süsən bacı, yaxşı ki heç birimiz
evdə deyildik. Həm bax, lap azca yanıb.
-
Amma az yansa belə ən az 6 ay insan yaşaya bilməz
bu evdə.-deyib, oğlanların ona baxdığını görüb çiynini çəkdi.
Samir:
-
Onda ev təmir olanacan hamımız harda qalacağıq?
Bir addım atıb, Sənanla yanaşı dayanan Süsən:
-
Başqa evlərimiz var, amma heç biri hamımızın
yerləşəcəyi qədər geniş deyil... bu o deməkdi ki...
-
Ayrılacağıq...
Elçin:
-
Elə demə Sanan, ayrı evlərdə yaşasaq belə dost
deyilik?
Sənan Elçinə bir an heç nə anlamamış kimi baxsa da, başa
düşüb:
-
Hə. biz ayrılmaz dostlarıq axı. Da burda
yaşamasaq belə görüşərik.- deyib, gözucu Süsənə baxdı.
Süsən gözlərini evdən ayırmadan baxırdı. Biraz pis şəkildə
belə olsa onunda zəhləsi getdiyi oğlanlardan qurtulmuşdu, amma buna sevinə
bilmirdi.hətda yenə ürəyinin sıxıldığını hiss edirdi. Sanki yenə nə isə əksik olacaqdı, ya da kimsə...
Cəmilə Məmmədli
Hiç yorum yok :
Yorum Gönder