Ən gözəl"sən" bölüm 2

2.

Bəzi insanlar vardır, ilk rastlaşdığımız anda fərqli olduğunu hiss edərik. Başımızı qaldırıb,  üzünə bələ baxmadan xüsusi olduğunu anlarıq. Nə imiş? Həyatımızın eşqi? Ya da 1 aydı çimmədiyi üçün, elə uzaqdan gələn iyi ilə bizi-bizdən alan birisi. Ha, ikisi də eyni adamdırsa, dualarım səninlə canım.

 Indi əlində ki açar ilə qapını açıb, kiçik çantasını çiyninə ataraq addımlayan birisi həqiqətən fərqli və xüsusi birisi idi. Amma kimin üçün? Aha, həkayənin ana sualı da verildiyinə görə, davamını sizə buraxıram...

Səssizlik... oğlanlar nəfəs belə almağa qorxaraq, qarşılarında dayanan qıza baxırdılar. Qarşılarındakı qız və oğlanlar arasında cəmi 5-6 addımlıq məsafə olsa da, hər kəs susub, yerindən tərpənmirdi.

-          Xoş gəlmisən Süsən qızım.

Beli bükülmüş nənə, xırda addımlarla qıza yaxınlaşıb, əlindəki çantasını aldı. Eyni xırda və asta addımlarla deyəsən otağına tərəf apardı,  ya da aparır, hələ aparır, biri bu qocanın sürətini 2-yə atsın. Sonunda nənənin bir ilbizlə yarışdığını anlayan Sənan dilləndi:

-          Kömək edim?

-          Yox, sən ən lənglərisən. Qocalaram sən kömək edənəcən- dedi, pilləkənin  birinci pilləsinə ayağını qoymağa çalışan nənə.

Sənan çiynini çəkib:

-          Hə da, hamı sənin kimi Usain Bold olmazki.- deyib, üzünü qarşısındakı qıza çevirərək davam etdi:

-          Bu ara da, bu şey nədi?

“Süsən: baxımsız kəliməsinin lüğəvi mənası. Saçlarını hər zaman taxdığı kep, papaq və bandanalar ilə gizlədir. Mükəmməl bir aşçı, mükəmməl bir dərzi, mükəmməl bir təmizləyici və mükəmməl bir idmançı. Qadınlara döyüş öyrədilən bir salonu anasına 6 ay dayanmadan “nolarrr” deyərək aça bildi. Birdə bu dünya da ən çox “Y” xromosomuna nifrət edir və onun daşıyıcılarına... Nifrət desəm də, əmin olun bu xəfif qalır”

-          Siz böcəklərin evimdə nə işi var? – dedi əli ilə kepkasını tutub, qarşındakılara qəzəb saçan gözlərlə baxan Süsən.

Oğlanlar bu “xoş” salamlamanın şokunu yaşayarkən, Sənan ani hərəkətlə Süsənin qarçısına keçib əsəbi şəkildə dedi:

-          Böcək?

-          Həşarat olsun.

-          Həşarat?!

-          Donuz olsun.

Sənan artıq özünü saxlamayıb yaxasından tutaraq qışqırdı:

-          Sən kimə donuz deyirsən?!

Süsənda onun yaxasından yağışıb, ondan da bərk qışqıraraq:

-          Sənə deyirəm iyrənc məxluq!

Sənan və Süsən bir-birlərinə öldürəcəkmiş kimi baxarkən, kənardan onları izləyən oğlanlar gülməklərini güclə saxlayırdılar. Elnur əlindəki kitabı yelləyib, gülümsəyərək:

-          Ikisi də eynidi, bir-birləri üçün yaradılıblar elə bil. Elə deyil Samir? – deyib, Samirə tərəf baxdı.

-          Içimdəki hiss deyirki “o qızdı, get bir-iki xoş söz de”, amma məntiqim deyirki “get əlini sıx, nətərsən qaqaş de”

əslində əynindəki köhnə cins şalvar, rəngi solmuş idman jileti, başındakı kepkası ilə Süsəni oğlandan fərqləndirmək biraz çətin idi. Amma Elnur öz gələcəyi görməsi, Samir isə hormonları ilə məntiqi arasında gedib gələrkən, Elçin çoxdan Süsəni Sənanın əlindən qurtarıb, ən şirin təbəssümü ilə dedi:

-          Xoş gəlmisən evinə Süsən bacı.

Süsən dişlərini qıcıyaraq baxdığı Sənandan gözlərini ayırıb 1 saniyəlik Elçinə və onun əlini tutan əlinə baxdı və ikinci saniyədə Elçin artıq yerdə ufuldayırdı.

-          Əllərini məndən uzaq tut iyrənc tweety*

Samir və Elnur yerde zırıldayan Elçini sakitləşdirməyə çalışıb, bir yandan da iyrəc və tweety arasında əlaqə qurmağa çalışarkən, Sənan kəskin gözləri bayaqkı əlini tutub başqa tərəfə baxmağa çalışan Süsənə dikilmişdi.

Bu gözəl “xəoş gəldin” mərasimindən sonra Süsən öz otağına çıxmış, oğlanlar isə qonaq otağında toplaşıb, müzakirə edirdilər. Elçin əlini tutub ufulduyaraq:

-          Hələ də ağrıyır ee. Süsən bacı niyə belə elədi axı? Pis oldum...

-          Hələ məni demirsən, xəyallarımı öldürdü.

Elnur əlindəki kitabla Samirin başına vurub:

-          Xəyalla fantaziyanı qarışdırma.

Samir Elnura rişxəndlə baxaraq :

-          “bozun 50 çaları”ını yarıda qoyan birindən məsləhət almayacam.

-          Oxuduğu tək kitab o olan birinə məsləhət vermək fikrimdə yoxdu!

Deyib, bayaqdan kresloda fikirli kimim oturan Sənana baxaraq davam etdi Elnur:

-          Sən nə fikirləşirsən?

Sənan başını qaldırmadan:

-          Iki şey. Birincisi: yenə axşam yeməyinə kolbasa çörək yedik, birazda belə getsə kolbasalik olacam, damardan verəcəksiz. Ikincisi isə...

Sənan oğlanların ona fikir verməyib, öz aralarında didişdiklərini görüb ayağa qalxdı.(Cəmilə Məmmədli) Dəhlizdə hamam otağına tərəf ilərilərkən az öncə gördüklərini ağlından çıxarda bilmirdi. Vecsizcə başını yelləyib, hamam otağının qapısı ağzında dayandı. Dodaq altı “ o manyak qızda utanacaq uz var? Məndə ki..” deyə pıçıldayıb, t-shirtini başından çəkib çıxarmağa çalışırdı ki, bir saniyəlik gözləri ona dəhşətlə baxan gözlərlə rastlaşdı...

 Oğlanlar digər tərəfdən gələn qışqırıqla yerlərindən dik atıldılar. Elçin:

-          Süsən bacı- deyə qışqırarkən, Elnur qeyri-ixtiyari:

-          Samir!

-          Mən burdayam xəstə!

Elnur yanında duran Samirə “ nə? Ağlıma ilk sən gəlmən normal deyil? “ deyərmiş kimi baxıb, birdən otaqda olmayanın Sənan olduğunun fərqinə vardı. Onun baxışlarından nə düşündüyünü anlayan Samir və Elçində onunla bərabər dedi:

-          Sənan... düşdük zibilə...

Beləliklə bizim biraz vəhşi Şəhzadəmizin, atsız şəhzadələrlə ilk gecəsi başlandı. Məşhur bir deyim vardır “ necə başlamışsa, eləcə davam edər”... Bəs görəsən necə sonlanacaq? ...

*= tweety məşhur cizgi film qəhramanı. “bir pişik gördüm sanki...”

Cəmilə Məmmədli