Ən gözəl"sən"! 20

"

Ən gözəl”sən”!

Bölüm: 20

Sənan ayağını səbirsizliklə yerə döyəcləyib, başının üstünü kəsdirən oğlanlara baxırdı. Ona inanmadıqlarını anladığından getdikcə daha çox əsəbləşirdi. Sonunda Elçin hələ də eşitdiklərinə inanmırmış kimi Sənana baxaraq, aydın hiss olunan şübhə ilə:

-          Necə yəni Azik gey deyil? Onu kimləsə, həmdə bir qızla gördün? Bu mümkün deyil axı...

Sənan ayağa qalxıb, otağına topladığı oğlanlara gözünü dikərək qollarını sinəsində çarpazlayıb:

-          Sizə deyirəm ki, gördüm. Hətda həmin qızı dünəndə gördüm. Özü də danışdı...

“ Gözlərini qıyıb diqqətlə baxdıqdan sonra, ağlına gələn fikirlə o da qıza gülümsədi... ayağa qalxıb, onun skameykasına gedərək gülümsəyərək əl uzatdı:

-          Salam, mən Sənan.

-          Mən...sizi tanımıram.

Sənan qızın sadəcə naz etdiyini anlayıb:

-          Mən sizi dünən parkda Ayazla görmüşdüm.-deyib, qızın üzünün dəyişdiyini görüb cəld əlavə etdi:

-          Gəzirdiz xiyabanda. Sevgilisiz?

Qız rahatlamış kimi dərindən nəfəs alıb:

-          Yox. Yəni əvvəllər eləydik, amma o axmaqdan ayrılmağı düşünürəm

Sənan süni şəkildə sevinmiş kimi davranıb:

-          Çox sevindim. Sizin kimi bir qız eləsinə qismət olmamalı. Bu ara da adınız?...

Sənan 20 dəqiqə söhbət etdikdən sonra adını xatırlamadığı qızdan hər şeyi öyrənmişdi. Ayazla əvvəllər sevgili olsalar belə, onu uzaq qohumları olan varlı bir qızla evlənmək üçün atırmış. Həmdə qız anormal dərəcədə baxımsız, vəhşi biriymiş. Ayaz isə evlənəndək onun nazıyla oynayırmış. Lakin Ayazın əsl üzü ancaq evləndikdən sonra açılacaqmış. Ayaz yenə də ona sevgili qalmağı təklif etsə də, o çox qürurlu olduğundan rədd edirmiş. Hətda Ayaz ona çox bahalı bir boyunbağı gətirsə də...”

Sənan hər şeyi danışdıqdan sonra oğlanların üzünə baxıb:

-          Yəni o it oğlu it oyun oynayır.

Elçin dediklərinə özü belə əmin olmasa da:

-          Bəlkə onun  gey olmaması daha yaxşıdı? Yeni Süsən bacı bir qızdı axı, normal oğlanla evlənməsi daha yaxşı olar bəlkə?

Sənan gözlərini Elçinə dikdi. əslində sözlərində doğruluq payı vardı, lakin Süsənin niyə onunla evləndiyini o hər kəsdən yaxşı bilirdi. “Bəsdirin! Normal qızlar kimi davranmadığımı bilirəm. Oğlanlardan ölümünə nifrət etmək normal deyil bilirəm! Bir geylə evlənmək yaxşı deyil bilirəm! Mən sadəcə hər kəsin məndən istədiyi biri olmaq istəmirəm. Qonşuların tək dərdi adıma söz çıxarmamaq üçün məni birinə sırımaq, anamın ki öz müğənni dostlarına acıq verə biləcəyi görkəmli bir toy eləmək, sənin tək məqsədin isə məni “normal” edib, burda qəpik vermədən yaşamaq! Istədiyinizi edirəm, əl çəkin artıq...” Sənan qərarlı bir şəkildə:

-          əmin olun, o ifritə bir normal oğlandansa, timsahla evlənməyi seçər. Buna əminəm. Buna görə sırf vicdanımız rahat olsun deyə ona bunu deməliyik. Yəni siz deməlisiz, mənə inanmaları biraz çətində. Nədənsə Ayazdan ölümünə zəhləm getdiyini düşünürlər.

Elnur:

-          bu bilinən bir şeydi. Amma sanki təzə bir şey var...

Sənan günahkarlar kimi gözlərini qaçırıb:

-          yəni mənim günahım deyil. Sadəcə 3-4 gün əvvəl ona boğmaq üzrəykən o ifritə məni gördü və o əclaf mənə sevgi təklif etdiyi üçün onu öldürmək istədiyimi dedi də...- Dedikdən sonra, oğlanların sual dolu baxışlarını görüb qəzəblə:

-          -əlbətdəki yalan deyirdi. Səbəb başqa idi. Nəysə, siz mənə o ifritəyə hər şeyi danışmağa kömək edin. Vaxtımız yoxdu.

Bayaqdan susan Samir sınayıcı nəzərlərlə Sənanı süzüb:

-          Sənin belə tələsməndə başqa səbəb yoxduki?

-          Nə məsələn?

-          Süsənin bir geydənsə, ona toxuna biləcək oğlanla evlənməsi? Bəlkə sən onu sevirsən?

Sənan bərkdən gülüb, lağ edərmiş kimi:

-          Nə yəni, mənim onu sevə biləcəyimi düşünürsən?

Samir çiynini çəkib:

-          Əslində sənin onu sevə biləcək tək oğlan olduğunu düşünürəm.- deməsiylə, Elçin və Elnur:

-          Məncə də.

-          Çox məntiqlidir.

Sənan oğlanlara öldürəcəkmiş kimi baxıb, ciddi bir səsə tonuyla:

-          Çiliyərəm sizi...

Bütün günü oğlanlar Süsəni yaxalayıb, ona hər şeyi danışmağa çalışsalar da, Leyla xanım mağaza-mağaza sürüklədiyi Süsəni tək tutmaq asan deyildi. (müəllif: Cəmilə Məmmədli) Leyla xanım onsuzda Ayazı əvvəldən də normal oğlan bildiyindən, işlər çətinləşirdi. Sənan isə hələ də adını xatırlamadığı qızla danışıb, ən azından boyunbağı məsələsini isbat etməsini istəyirdi. Lakin böyük ehtimalla boyunbağını qəbul edən qız söhbətdən qaçırdı. Günün sonunda heç nə edə bilməyən oğlanlar danışmaq üçün Sənanın otağına yığışmışdılar. Onlar öz aralarında müzakirə etsələr belə, Sənan kənarda səssizcə durmuşdu. Sabah yox, birisigün nişan idi və o bu nişan pozulsa belə ola biləcəkləri ilk dəfə düşünürdü. Otaqdan hiss edilmədən ayrılıb, mətbəxə tərəf getdi. Içəri girdikdə gözlədiyi, daha doğrusu hiss etdiyi kimi Süsənin içəridə olduğunu görüb gülümsədi. Süsən otaq məsələsinə görə hələ də çəkindiyindən çıxmaq istəyirdi ki, Sənan onun qabağını kəsdi.

-          Sənana Azikin haqqında bir şey deməliyəm.

-          Onunla sən evlənmək istəyirsən?

Sənan bir anda bədənini saran qəzəbi güclə dayandırıb, zorla gülümsəyərək:

-          Hə. nigah şahidimiz də sən olarsan.

-          Buna sevinərdim.

Sənan ağzını doldurub, bir neçə söz demək istəyirdi ki, Süsənin kədərli olduğunu hiss edib:

-          Sənə nə olub?

-          Onunla evlənmək istəmirəm. Bir timsah belə daha uyğundu, amma o...

Sənan beynində “mən demişdim. Bir timsah tam uyar” deyə düşünüb, tamamən ciddi səs tonu ilə:

-          O gey-filan deyil. Hətda qız sevgilisi ilə qəribə bir şəkildə mənimlə sevgili olduğunu sanır. Birdə o boyunbağını götürən...

Süsən:

-          Bilirəm, hamısını bilərəm. Amma gec anladım... artıq gecdi. Hər şey hazırdı, bunu dayandıra bilmirəm... İstəmirəm. Heç istəmirəm. Düşündüm ki, ən yaxşısı budu. Anam üçün, mənim üçün, hamı üçün. Amma istəmirəm... indi isə geriyə addım atmaq mümkün deyil. Yoxsa hər şey yenidən başlayacaq... hamı niyə olduğunu soruşacaq, arxamca danışacaq...bunu da istəmirəm...

Sənan qarşısında başını aşağı salıb. Yüngülcə titrəyən çiyinlərindən ağladığı bəlli olan Süənə baxırdı. Mətbəxin işığının yanmaması ikisinin də üzündəki ifadəni gizlədirdi. Bayaqdan onun düşünməkdən qaçdığı şeyi, Süsən çoxdan düşünübmüş- başqaları. Anasına hər şeyi danışıb, ona inandıra bilərdi, bəs başqaları? Yenidən o söz-söhbətin içində görmək istəmirdi Süsən. Bütün qız davranışlarından, xeyallarından əl çəkərək sahib olduğu sakitliyi itirmək istəmirdi. Sənan Süsənə bir addım yaxınlaşıb, özünə çəkərək qucaqlamaq istəyirdi ki:

-          Həm mən Mamuro Çiba* ilə evlənmək istəyirəm.

Sənan başından aşağı qaynar su tökülmüş kimi:

-          O axmaq bir cizgi film qəhramanı deyil?

-          Hə, amma qızıl gül ataraq xilas edir.

Sənan başını əsəbiliklə yelləyib:

-          Atacam, mən də atacam səni ən yaxındakı vulkana! Anormal ifritə! O əclafla evləndə, ağlın başına gəlsin!

-          Nə var? Sənə baxanda, o daha yaxşı seçimdi! Hətda sənə baxanda, qırxayaq belə daha yaxşı seçimdi!

-          Elə qırx ayaqla evlən, 40 ayağının, qırxıyla da sənə təpik ilişdirsin!

-          Hazır mən 2 olan ayağımın biriylə ilişdiriəmdə!

Süsən cümləsini bitirməmiş, Sənana güclü bir təpik ilişdirdi. Sənan ağrıyan ayağını offuldayaraq ovuşdurarkən o çoxdan getmişdi. Sənan yerdə oturub, əsəblərini sakitləşdirməyə çalışırdı. Bir yandan da nə edəcəyini düşünürdü ki, ağlına gələn fikirlə gülümsədi. Həm Süsənin adına söz gətirmədən, həm də o Azikdən intiqam alacaq bir plan qurmuşdu belə. Sevinclə ayağa qalxıb, oğlanlara xəbər etmək istəyirdi ki, ayağının hələ də ağrıdığını acı bir şəkildə anladı. əli ilə ayağını tutub, əsəb qarışıq bir gülümsəmə ilə pıçıldadı:

-          Sənə mən yox, elə bir qırxayaq lazımdı ki, hət gün bir ayağını şikəst edəsən... Bu ifritə heç dəyişməyəcək...

   

    Bəlkə də dəyişməyəcək, amma sən deyişməyini istərmiydin? Məncə yox...

*= Mamuro Çiba məşhur “sailor moon” animesinin qəhramanı.

Cəmilə Məmmədli